Yaponiya Seul va Pxenyan o‘rtasidagi muzokaralar Shimoliy Koreyaga bosim siyosatiga ta’sir etmasligini bildirdi

Yaponiya hukumati Janubiy Koreyaning ikki davlat mudofaa vazirliklari vakillari ishtirokida KXDR bilan muzokaralar o‘tkazish taklifini qo‘llab-quvvatlaydi. Bu haqda Tokiodagi matbuot anjumanida mamlakat vazirlar mahkamasi bosh kotibi Yosixide Suga ma’lum qildi, deya xabar beradi “TASS”.

“Yaponiya, AQSh va Janubiy Koreyaning Pxenyanga bosim o‘tkazishni kuchaytirish bo‘yicha kelishuvi nuqtai nazaridan ham bu borada hech qanday muammo ko‘rmayapmiz. Biz bundan keyin ham birgalikda Shimoliy Koreyaga nisbatan muloqot, bosim va harakat siyosatini yuritishda davom etish niyatidamiz”, — dedi Yosixide Suga.

Janubiy Koreya 17-iyul, dushanba kuni KXDRga 21-iyul kuni Pxanmundjom chegara punktida mudofaa vazirliklari vakillari ishtirokida, 1-avgustda esa Qizil Xoch yo‘nalishi bo‘yicha muzokaralar o‘tkazishni taklif etdi.