Kataloniyada 110 kompaniya, kasaba uyushmalari, ta’lim guruhlari va faollardan iborat ittifoq ish kuni davomiyligini tushlik vaqtini kamaytirish hisobidan qisqartirishni ko‘zda tutuvchi hujjatni imzoladi. Bu haqda “Gazeta.ru” xabar bermoqda.
Qayd etishlaricha, mazkur chora ish kuni davomiyligini mamlakatdagi ishchilarning o‘z tashabbusiga ko‘ra qisqartirish bo‘yicha navbatdagi qadam bo‘ldi.
Amaldagi qoidalariga ko‘ra, Ispaniyada ish kuni tong soat 9:00 dan boshlanadi, peshinda esa xodimlar qahva ichish uchun kichik tanaffus oladi. So‘ng ish 14:00 gacha davom ettiriladi.
14:00 dan boshlab esa ikki-uch soatgacha davom etadigan tushlik vaqti boshlanadi. Tushlikdan qaytgan xodimlar 20:00—21:00 gacha ish joyida bo‘ladi.
Hujjatning amalga oshirilishini nazorat qiluvchi Reforma Horaria guruhi vakili Fabian Moedanoning ma’lum qilishicha, uzoq va tartibsiz ish kuni odamlarning farovonligi va oilaviy hayotiga salbiy ta’sir ko‘rsatadi.
Uning ta’kidlashicha, Kataloniya ma’muriyati odamlarning yanada samaraliroq ishlashiga imkon beruvchi qayishqoq davlat siyosatini 2025-yilga qadar ishlab chiqish niyatida.
Izoh (0)