Tramp reytingi rekord darajada pasayganini ko‘rsatuvchi so‘rovni tanqid qildi 

AQSh prezidenti Donald Tramp reytingi rekord darajada pasayganidan dalolat beruvchi The ABC News va The Washington Post so‘rovini tanqid ostiga oldi. Bu haqda “Gazeta.ru” xabar bermoqda.

“The ABC News va The Washington Post so‘rovi, garchi 40 foiz natija unchalik yomon bo‘lmasa ham, eng ishonchsiz ma’lumotlardan bo‘ldi”, — deya yozuv qoldirdi Tramp Twitter’dagi sahifasida.

Shuningdek, mazkur so‘rov natijalariga ko‘ra, amerikaliklarning deyarli yarmi — 48 foizi Trampga Rossiya prezidenti Vladimir Putin bilan muzokaralar olib borishni ishonib topshirmagan bo‘lardi. Ularning 18 foizi esa “biroz ishonishi”ni bildirdi.