AQSh hukumatining KXDRga nisbatan “global bosimni kuchaytirish” bo‘yicha oxirgi chaqiriqlari Koreya yarim orolini yadro qurolidan xoli hududga aylantirish bo‘yicha istalgan muloqotni yo‘qqa chiqaradi. Koreya markaziy telegraf agentligi 16-iyul, yakshanba kuni e’lon qilgan bayonotda shu haqda so‘z boradi, deb xabar beradi “RIA Novosti”.
“Global harakatlar haqidagi gap-so‘zlar, suveren davlatni o‘zini mudofaa etish imkoniyatlariga egalikda ayblash Tramp uslubidagi kuch siyosatining yaqqol ifodasidir. AQShning barchani ularga ma’qul bo‘lmagan suveren davlatga qarshi kampaniyada qatnashishga safarbar etishga urinishi zamonaviy dunyoda o‘tmaydi”, — deyiladi bayonotda.
Agentlikning ta’kidlashicha, AQSh Shimoliy Koreyaga qarshi dushmanlik siyosatini to‘xtatmas ekan, KXDR yadro va raketa dasturi hech qachon muzokaralar mavzusiga aylanmaydi. Koreya yarim orolini yadro qurolidan xoli hududga aylantirish bo‘yicha muloqot imkoniyati boy beriladi.
Izoh (0)