Xitoylik huquq himoyachisi, 2010-yili tinchlik bo‘yicha Nobel mukofoti sovrindori bo‘lgan Lyu Syaobo 61 yoshida olamdan o‘tdi. Bu haqda, XXR hukumatining rasmiy xabarnomasiga asoslanib, “Interfaks” xabar bermoqda.
U davlat tuzumini qo‘porishga chaqirganlikda ayblanib 11 yilga ozodlikdan mahrum qilingan edi. 26-iyun kuni Lyu Syaobo oxirgi bosqichdagi jigar saratoni tashxisi munosabati bilan qamoqdan muddatidan ilgari ozod qilingan edi.
O‘tgan hafta oxirida Germaniya va AQSh mediklari Lyu Syaoboni ko‘zdan kechirib, xastaligi rivojlanib borayotganini tasdiqlagan edi. Shifokorlar uni Germaniya yoki AQShdagi shifoxonaga olib o‘tishni taklif qildi, ammo Xitoy rasmiylari uning sog‘lig‘i uzoq safarlarni ko‘tara olmasligini bildirdi.
Lyu Syaobo 2008-yil demokratik islohotlar o‘tkazish taklif qilingan Xartiya-08 hujjatini imzolaganidan so‘ng hibsga olingan edi.
Izoh (0)