Хитойлик ҳуқуқ ҳимоячиси, 2010 йили тинчлик бўйича Нобель мукофоти совриндори бўлган Лю Сяобо 61 ёшида оламдан ўтди. Бу ҳақда, ХХР ҳукуматининг расмий хабарномасига асосланиб, «Интерфакс» хабар бермоқда.
У давлат тузумини қўпоришга чақирганликда айбланиб 11 йилга озодликдан маҳрум қилинган эди. 26 июнь куни Лю Сяобо охирги босқичдаги жигар саратони ташхиси муносабати билан қамоқдан муддатидан илгари озод қилинган эди.
Ўтган ҳафта охирида Германия ва АҚШ медиклари Лю Сяобони кўздан кечириб, хасталиги ривожланиб бораётганини тасдиқлаган эди. Шифокорлар уни Германия ёки АҚШдаги шифохонага олиб ўтишни таклиф қилди, аммо Хитой расмийлари унинг соғлиғи узоқ сафарларни кўтара олмаслигини билдирди.
Лю Сяобо 2008 йил демократик ислоҳотлар ўтказиш таклиф қилинган Хартия-08 ҳужжатини имзолаганидан сўнг ҳибсга олинган эди.
Изоҳ (0)