Novorossiyskda 12 yashar bolani qutqarishga harakat qilgan o‘zbekistonlik yigit cho‘kib ketdi. Bu haqda “Kommersant.uz” xabar bermoqda.
Mahalliy OAVga ko‘ra, fojia Sujuk burnida ro‘y berdi. Bu yerga 20 va 21 yoshli ikki yigit 12 yashar bola bilan birga kelgandi.
“Ular kichikroq sayozlik bilan ajratilgan orolga yo‘l oldi. Qaytayotganlarida esa shamol ko‘tarildi. Bolani to‘lqinlar dengizga olib ketdi va u cho‘ka boshladi. 21 yoshli yigit unga yordamga tashlandi. Bolani chiqarib olishga muvaffaq bo‘lindi, biroq yigit cho‘kib ketdi”, — deyiladi OAV xabarida.
O‘zbekiston fuqarosining jasadi voqea yuz bergan kunning ertasiga — 11-iyulda hodisa joyi yaqinida, 5 metr chuqurlikda topildi. O‘limning aniq sabablarini aniqlash uchun sud-tibbiyot ekspertizasi o‘tkaziladi. Fojia tafsilotlariga oydinlik kiritilmoqda.
Izoh (0)