Malla sochli qiz pushtirang Lamborghini’ni 340 km/soat tezlikda haydab rekord o‘rnatdi (video)

YouTube’dagi “1320video” kanalida Lamborghini’ni rekord daraja tezlikda haydagan qiz haqida rolik paydo bo‘ldi, deb xabar berdi “Motor”.

Yarim mil (800 metr) masofa oralig‘ida u avomobilni 210 mil/soat (deyarli 338 kilometr/soat) tezlikka chiqarishga muvaffaq bo‘ldi va ayollar orasida jahon rekordini o‘rnatdi.

Qiz Heffner Performance atelyesida tayyorlangan 610 ot kuchiga ega Huracan avtomobilini boshqargan. Tyunerlar 5,2 litrli V12 motorga ikkita turbina o‘rnatgan bo‘lib, uning quvvati 2 ming kuchgacha chiqa oladi.

Qiz rekordni Koloradodagi Pikes Peak Airstrip Attack tadbiri davomida o‘rnatdi. Uning avvalgi eng yaxshi natijasi 330 km/soatni tashkil etgan.