Tailanddaga uyga noma’lum shaxslar tomonidan uyushtirilgan hujum oqibatida sakkiz kishi, jumladan, bir nafar chaqaloq halok bo‘ldi, yana uch kishi jarohat oldi, deb xabar berdi “Vesti.ru”.
Noxush hodisa 10-iyul kechasi mamlakat janubidagi Krabi provinsiyasida sodir bo‘lgan. Jinoyatchilar uyga bostirib kirgan va u yerda istiqomat qiladiganlarni asirga olgan, shundan so‘ng ularni otib tashlagan, deb xabar berdi Reuters.
Politsiyaning fikricha, ommaviy qotillikka shaxsiy kelishmovchilik sabab bo‘lgan. Hujumda besh yoki olti kishi ishtirok etgan. Jinoyatchilarni qidirish ishlari davom etmoqda.
Tailandda o‘qotar qurollardan foydalanishga ruxsat berilgan va ko‘plab aholi o‘zini himoya qilish maqsadida uni yonida ko‘tarib yurishiga qaramay, mamlakatda bu kabi ommaviy qotillik juda kam uchrab turadi. Statistik ma’lumotlarga ko‘ra, mamlakatning 67 million aholisi hisobiga 6,1 million rasman ro‘yxatga olingan o‘qotar qurollar to‘g‘ri keladi.
Izoh (0)