OAV: jangarilar IShID yetakchisi vafot etganini ma’lum qildi

IShID jangarilari tashkilotning yetakchisi Abu Bakr al-Bag‘dodiyning halok bo‘lganini e’lon qildi. Bu haqda “As-Sumariya” telekanali Iroqning Naynava viloyatidagi mahalliy manbaga asoslanib ma’lum qildi, deb xabar berdi “TASS”.

Uning so‘zlariga ko‘ra, IShID jangarilari o‘z yetakchisi Abu Bakr al-Bag‘dodiyning o‘lgani, shuningdek, yaqin orada “yangi xalifa” ismi ma’lum qilinishi haqida qisqa e’lon bergan.

Avvalroq, Eron OAVlari Abu Bakr al-Bag‘dodiyning halok bo‘lganini isbotlovchi suratlarni e’lon qilgandi. Iyun oyi o‘rtalarida Rossiya Mudofaa vazirligi Havo-kosmik kuchlarining aviazarbalari natijasida IShID yetkchisi va 300 jangari yo‘q qilingan bo‘lishi mumkinligi haqida xabar bergandi.