Qatar rasmiylari Saudiya Arabistoni, Birlashgan Arab Amirliklari, Bahrayn va Misr tomonidan qo‘yilgan talablarga javobini yetkazdi. Bu haqda Saudiya matbuot agentligiga tayanib, “Gazeta.ru” ma’lum qildi.
“To‘rtta arab davlati Kuvayt orqali ushbu mamlakat amiri shayx Saboh al-Ahmad al-Jobir as-Saboh iltimosiga binoan cho‘zilgan ultimatum muddati tugashidan avval Qatar javobini oldi”, — deyiladi agentlik xabarida.
Javob mazmuni xabarda keltirilmagan.
Arab davlatlarining Qatar maktubiga birgalikdagi javobi “bunga qulay vaqtda” berilishi bildirildi.
Ilgariroq Qatar tashqi ishlar vaziri Muhammad bin Abdurrahmon at-Taniy yozma javobni yetkazish uchun Kuvaytga tashrif buyurgani xabar qilingandi.
Izoh (0)