Gallup agentligi jahonning eng baxtli mamlakatlari indeksiga bag‘ishlangan Globalup Emotions hisobotini e’lon qildi. Unga ko‘ra, dunyoning eng baxtli davlati Paragvay, eng baxtsiz davlati esa Yaman bo‘lib chiqdi, deb xabar beradi “NaukaTV.ru”.
So‘rovnomada 142 mamlakatdan 150 ming kishi ishtirok etdi. Respondentlardan ijobiylik va salbiylik darajasini baholash so‘raldi.
Gallup sotsiologlari respondentlarga savollarni ham telefon orqali, ham shaxsiy suhbatda berdi. Eng yosh respondentlar 15 ga to‘lgan edi. Fuqarolik urushi davom etayotgan Suriyada so‘rovnoma o‘tkazilmadi.
Savollar respondentlarning hissiyotlari, ijtimoiy farovonligi, stresslar va boshqa masalalarga oid bo‘ldi. So‘rovda ishtirok etganlarning 70 foizi hayotdan lazzatlanishini bildirdi.
Aniqlanishicha, Lotin Amerikasi va umuman Janubiy Amerika eng baxtli aholi istiqomat qiladigan hududdir. Jahon bo‘yicha birinchilik Paragvayga tegishli bo‘ldi.
Undan keyingi o‘rinlarni Kosta-Rika, Panama, Filippin, O‘zbekiston, Ekvador, Gvatemala, Meksika, Norvegiya, Chili va Kolumbiya egalladi.
Yaqin Sharq va Shimoliy Afrika ijobiy emotsiyalar eng kam qayd qilingan mintaqalar bo‘ldi. Ixtiloflarga uchragan Ukraina, Iroq, Yaman, Turkiya kabi davlatlarda natijalar past bo‘ldi. Reytingning oxirgi o‘rnini Yaman egalladi.
Izoh (0)