Tokioda 18 yoshdan kichik o‘quvchi qizlarning pul evaziga tanishuvlar sohasida mehnat faoliyatini yuritishiga nisbatan taqiq kuchga kirdi. Bu haqda “Gazeta.ru” xabar bermoqda.
Shunday qilib, erkaklarga o‘quvchi qizlar bilan uchrashuvlar uyushtirib berish xizmatini ko‘rsatuvchi ko‘plab yapon kompaniyalari endi Tokioda 18 yoshdan kichik qizlarni ishga ololmaydi.
Xaradzyuku temiryo‘l stansiyasida bunday faoliyatning qizlar uchun xavfli ekani haqida axborot aksiyasi bo‘lib o‘tdi. Aksiya ishtirokchilari bunday faoliyat turini to‘xtatishni talab qilib chiqdi.
Tokio politsiyasi ma’lumotlariga ko‘ra, shahar Yaponiyada shunday qaror qabul qilgan ilk hudud bo‘ldi. May oyi ma’lumotlariga ko‘ra, birgina Tokioning 110 dan ziyod shunday xizmatlarni taklif qiluvchi kompaniya bor, biroq ularning haqiqiy soni bundan ancha ko‘p bo‘lishi ham mumkin.
So‘nggi vaqtlarda bunday muassasalar soni kamayib borayotgan bo‘lsa-da, bunday uchrashuvlarning asosiy muammosi — o‘quvchi qizlar qo‘shimcha to‘lov evaziga mijozlarga jinsiy aloqa bilan bog‘liq xizmatlarni ham ko‘rsatadi.
Yaponiyadagi bunday uchrashuvlar ＪＫビジネス deb ataladi. Bunda o‘smir qiz odatda mijoz bilan shunchaki birga sayr qilib, u bilan suhbatlashadi. JK qisqartmasa yapon tilidan tarjima qilganda, “katta maktabda o‘quvchi qiz” ma’nosini anglatadi.
Yaponiyada qizlar 20 yoshdan voyaga yetgan, deb hisoblaniladi. Mamlakatda fohishalik bilan shug‘ullanish qonunchilik darajasida taqiqlangan.
Izoh (0)