AQSh shtatlarining qariyb yarmi saylovlar haqidagi axborotni mamlakat prezidenti Donald Tramp tomonidan tashkil etilgan va ovoz berish jarayonini o‘rganuvchi komissiyaga taqdim etishni istamayapti.
Saylovchilarning ism-shariflari, tug‘ilgan sanasi, partiyaviyligi to‘g‘risidagi ma’lumotlarni taqdim etish talabini mavjud 50 shtatdan 24 tasi rad etgan, deya xabar bermoqda The Hill nashri.
Xususan, prezident talabi Kentukki shtati tomonidan ham rad etilgan. Mazkur shtat kotibi Elison Lundergan Graymsning ta’kidlashicha, u shtat aholisi haqidagi ma’lumotlarni federal hukumatga topshirish niyatida emas.
Uning fikricha, prezident Tramp komissiyani “saylov natijalarini soxtalashtirish — odatiy hol” degan xato o‘y bilan tuzgan.
Bunga javoban Donald Tramp o‘zining g‘alabasi bilan tugagan so‘nggi prezident saylovini soxtalashtirilgan, deb atadi. “Shtatlar nimani yashirishga urinmoqda?”, — deb yozdi AQSh prezidenti Twitter’dagi sahifasida.
Avvalroq AQSh prezidenti saylovlardagi ovozlarni hisoblash jarayoni qanchalik xavfsiz ekanini o‘rganish maqsadida maxsus komissiya tuzgani ma’lum bo‘lgan edi. Komissiya ishtirokidagi tinglovlar iyul oyiga rejalashtirilgan.
Izoh (0)