Smartfonlarning maxfiy xususiyatlari (foto)

AdMe Android operatsion tizimida ishlaydigan smartfonlardan foydalanishda qulaylik yaratadigan dasturlar haqida ma’lumot to‘plab taqdim etdi.

Dasturlarni klonlash

Android’larning yangi versiyasida “Dastur-klon” mavjud bo‘lib, u kerakli dasturlarni bir urinishda nusxa ko‘chirishga yordam beradi. Klon bitta ijtimoiy tarmoqdan turli akkauntlar orqali foydalanuvchilarga asqotadi.

YouTube’dan video va audio ko‘chirib olish

Google’ning standart ko‘rinishida o‘zining rasmiy magazinidagi YouTube videolarini ko‘chirib olish funksiyasiga ega dastur yashirin bo‘ladi. Biroq boshqa dasturchalar ham bor. Ular orqali rolikka havola ko‘rsatib videoni ko‘chirib olish mumkin.

Smartfonni taroziga aylantirish

Do‘kondagi unchalik katta bo‘lmagan narsalarni smartfondagi maxsus dastur orqali tortib ko‘rish imkoniyati mavjud.

Xavfsiz rejimni yoqish

Ushbu rejim telefonning ishlariga xalaqit beruvchi ortiqcha dasturlarni o‘chirib tashlash va tizim nosozliklarini tuzatishda kerak bo‘ladi. Telefon yoki planshet yoqilganida quvvat tugmasini bosib turing. Shunda “Yoqish” yoki “Quvvatni o‘chirish” oynasi paydo bo‘ladi. Xavfsiz tizimga o‘tish so‘rovi paydo bo‘lganida esa OK ni bosing.

Oflayn-xaritadan foydalanish

Telefonga xaritani ko‘chirib olib, internetni o‘chirib qo‘yish lozim, biroq GPS yoniq turaversin. Oflayn-xaritada sizning turgan joyingiz sun’iy yo‘ldosh orqali trafik sarfisiz aniqlanadi.

Karta o‘rnida smartfon orqali to‘lovni amalga oshirish

NFC modulining sharofati bilan ko‘plab telefon modellari orqali bank kartlarini tegishli tizimdagi akkauntga ulab qo‘yish mumkin (Android Pay yoki Apple Pay).

Doim qo‘lingizda yuradigan skaner

Smartfondagi kamera orqali barcha matn, hujjat yoki suratlarni skaner qilib olish mumkin. Buning uchun maxsus dastur mavjud bo‘lib, ular nafaqat skaner qiladi, balki uni xotirasida saqlab qolib kerakli manzilga yuboradi ham.

Cheksiz qidiruv

Google Goggles dasturi orqali istalgan narsani qidirib toppish imkoniyati mavjud. Uning ahamiyatli jihati, qidiruvda smartfon kamerasidan foydalaniladi.

Smartfonni smartfonga ulash

One-Touch-Go (OTG) funksiyasi yordamida istalgan zamonaviy smartfonni boshqa biriga ulash mumkin. Buning uchun smartfonlarning biriga USB-femele kabeli, boshqasiga mikro-USB kabeli ulanishi kerak.