Taniqli bloger Evan Blass Samsung’ning bo‘lg‘usi fableti — Galaxy Note 8 bilan bog‘liq qator tafsilotlarni e’lon qildi, deb yozadi “Hi-tech.mail.ru”.
Unga ko‘ra, Galaxy Note 8 bozordagi eng qimmatbaho smartfonga aylanadi, va u sentabrning ikkinchi yarmida chiqariladi. Shuningdek, Blass ta’kidlashicha, Note 8 Yevropa bozorlarida 999 yevro, AQShda esa 900 dollar narxda sotiladi.
Note 8 6,3 dyuymli ekran, ikkita 12 megapikselli kamera, orqa paneldagi optik stabilizatorga ega bo‘ladi. Qurilmada S-Pen stilusi yordamida istalgan vaqtda qaydlar yozish mumkin. Bundan tashqari, yangi gadjet yaxshilangan split-screen rejimi, til tarjimoni va valyutalar konvertatsiyasini qo‘llab-quvvatlaydi.
Barmoq izi skaneri yorug‘lik diodli vspishkadan o‘ngda joylashadi. Qurilma dok-stansiya orqali DeX “desktop funksiyasi”ga ega bo‘ladi.
Fabletga bozorga qarab Snapdragon 835 yoki Exynos 8895 chiplari o‘rnatiladi. Gadjetda 6 Gb tezkor (ba’zi bozorlarda 8 Gb) xotira va 3300 mA/soat sig‘imli batareya bo‘ladi.
Izoh (0)