Pokistondagi ketma-ket portlashlar va jangarilar hujumlari oqibatida halok bo‘lganlar soni 85 kishiga yetdi, deb yozadi “RIA Novosti”. Bu haqda AP rasmiy shaxslarga tayanib xabar berdi.
Avvalroq 57 nafar qurbon haqida ma’lum qilingan edi.
Portlashlar 23-iyun kuni Parachinar shahrining savdo tumanida mahalliy aholi Ramazon hayiti arafasida xaridlarni amalga oshirayotgan vaqtda yuz berdi. 67 kishi halok bo‘ldi.
Shu kuniyoq Pokistonning Kvetta shahrida Belujiston viloyati politsiyasi rahbarining ofisi yaqinida portlash sodir bo‘ldi. 14 kishi halok bo‘ldi.
Bundan tashqari, jangarilar mamlakat janubidagi Karachi shahrida politsiyachilarga hujum qildi. To‘rt nafar tartib posboni qurbon bo‘ldi.
Izoh (0)