Iroqning Mosul shahrida 24-iyun, shanba kuni kuchli portlash yuz berdi. Portlash oqibatida kamida 12 kishi halok bo‘lgan, 20 kishi jarohatlangan, deb yozmoqda “TASS”.
Iroq harbiylarning ma’lumotlariga ko‘ra, xudkush-terrorchi urush davom etayotgan shahardan chiqib ketayotgan olomon ichida o‘zini portlatib yuborgan. Mamlakat xavfsizlik xizmatlari hujum ortida IShID terrorstik tashkiloti turganini taxmin qilmoqda.
Kattaligi jihatdan Iroqning ikkinchi shahrini IShIDdan xalos qilish kampaniyasi 2016-yil oktabr oyida boshlangan. O‘tgan vaqt ichida quruqlik kuchlari Iroq harbiy-havo kuchlari va AQSh boshchiligidagi xalqaro koalitsiya ko‘magida Sharqiy Mosulni ozod qildi va shaharning g‘arbiy qismida katta hududni egalladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)