Amerikalik reper Lil Wayne Florida shtati sharqiy qirg‘og‘idagi La-Gors orolida joylashgan villasini zarariga sotdi. Bu haqda “TASS” xabar bermoqda.
Sotheby’s savdo uyi rieltorlik bo‘linmasi xodimi Tay Forknerga ko‘ra, Lil Wayne ko‘chmas mulkni 10 million dollarga sotdi. Vaholanki, 2011-yilda villani 11,6 million dollarga xarid qilgandi. Reperga uning uyi joylashgan manzil ko‘pchilikka ma’lum ekanligi yoqmagan.
Reper villani 2015-yilda 18 million dollarga sotuvga qo‘ygandi. Biroq bu orada ushbu hududda go‘yo qotillik yuz bergani haqida ma’lumot kelib tushadi. Garchi politsiya voqea joyiga borib, ma’lumotni tasdiqlamagan bo‘lsa ham, tarqalgan shov-shuvlar tufayli uy narxini 12 million dollargacha tushirishga to‘g‘ri keldi.
The Wall Street Journal nashri villa hududida skeytbordda uchish maydoni, shuningdek, akulalar akvariumi borligini bildirmoqda.
Izoh (0)