Америкалик рэпер Lil Wayne Флорида штати шарқий қирғоғидаги Ла-Горс оролида жойлашган вилласини зарарига сотди. Бу ҳақда «ТАСС» хабар бермоқда.
Sotheby’s савдо уйи риэлторлик бўлинмаси ходими Тай Форкнерга кўра, Lil Wayne кўчмас мулкни 10 миллион долларга сотди. Ваҳоланки, 2011 йилда виллани 11,6 миллион долларга харид қилганди. Рэперга унинг уйи жойлашган манзил кўпчиликка маълум эканлиги ёқмаган.
Рэпер виллани 2015 йилда 18 миллион долларга сотувга қўйганди. Бироқ бу орада ушбу ҳудудда гўё қотиллик юз бергани ҳақида маълумот келиб тушади. Гарчи полиция воқеа жойига бориб, маълумотни тасдиқламаган бўлса ҳам, тарқалган шов-шувлар туфайли уй нархини 12 миллион долларгача туширишга тўғри келди.
The Wall Street Journal нашри вилла ҳудудида скейтбордда учиш майдони, шунингдек, акулалар аквариуми борлигини билдирмоқда.
Изоҳ (0)