Bundan bir necha kun avval aktyor va rejissor Yigitali Mamajonovning unashtirilgani haqida xabar berilgandi. Aktyor bu ma’lumotga oydinlik kiritar ekan, sevgan qizi asli chimkentlik ekanligi va uning ismi Nigina ekanligini aytib o‘tdi. Yigitali to‘yi haqidagi ma’lumotlarni esa oshkor etishni istamadi. Shunchaki, to‘yning O‘zbekistonda bo‘lmasligini aytish bilan cheklandi. “Darakchi.uz” aktyorning Instagram sahifasiga joylangan so‘nggi suratiga e’tibor qaratdi.
Kuni kecha aktyor Instagram’dagi sahifasiga sevgan qizi bilan tushgan yangi suratini joylashtirdi va uni “Seni sevishlari uchun sevgiga munosib bo‘l! Sevgiga munosiblik esa chiroyli tashqi ko‘rinish va kelishgan qomat bilan belgilanmaydi. Sen tashqi go‘zallikni aql bilan uyg‘unlashtirishing kerak. Hammaga xayrli kech. Rafiqam bilan”,— deya izohladi.
Shuningdek, boshqa bir qator internet nashrlarida Yigitalining rafiqasi uning yonida milliy kelinlik libosida turgani aks etgan suratlari tarqaldi. Bundan Yigitali va Nigina to‘ylarini xufiyona ravishda, yaqinlar va do‘stlar davrasida o‘tkazishgan degan xulosa kelgan “Darakchi.uz”.
Izoh (0)