Olimlar o‘tkazgan yangi tadqiqot hokimiyat tepasida bo‘lgan ba’zi odamlar va miyasining ma’lum qismlari shikastlangan kishilarning muayyan xususiyatlari o‘xshash ekanligini ko‘rsatdi, deb yozadi Afisha Daily. Xususan, ularda hamdardlik qobiliyati yo‘qolishi va boshqa odamlarga nisbatan rahm-shafqat tuyg‘usi kamayishi mumkin.
Kanadaning Makmaster universiteti mutaxassislari 45 nafar ko‘ngillini taklif qilib, ularni transkranial magnit stimulyatsiyasi usuli yordamida tekshirib ko‘rdi.
Sinalayotgan kishilarning har biri qo‘l to‘pni siqayotgani aks etgan videoni tomosha qildi. Tizim bu vaqtda miyaning biz boshqa odamlarning harakatlarini ko‘rganda ishga tushadigan qismi faoliyatini tahlil qildi.
“Karyera zinasidan ko‘tarilib borayotgan hamkasbini ko‘rgan ko‘plab kishilar uning xatti-harakatlaridagi ba’zi o‘zgarishlarni payqagan bo‘lishi mumkin, ular doim ham yaxshilikka bo‘lavermaydi. Hukmronlik neyrokognitiv tizimli xulqqa kuchli ta’sir o‘tkazadi”, — dedi tadqiqot rahbari Saxvinder Obi.
Izoh (0)