Jahon iqtisodiyoti va diplomatiya universiteti Buyuk Britaniyaning Lester universiteti bilan o‘zaro anglashuv memorandumini imzoladi. Bu haqda UzNews xabar bermoqda.
Mazkur kelishuv Toshkentda Lester xalqaro tadqiqotlar maktabi ochilishini ko‘zda tutadi.
Maktabda oliy ta’lim (bakalavriat va magistratura) sohasida akademik xizmatlar ko‘rsatish, xalqaro munosabatlar mutaxassislarini qayta tayyorlash va malakasini oshirish, shuningdek, xalqaro standartlar asosida diplomatiya, xalqaro iqtisodiyot, xalqaro biznes, xalqaro moliya va xalqaro tijoriy huquq yo‘nalishlarida ilmiy-amaliy faoliyat olib borilishi rejalashtirilgan.
Ma’lumot uchun, 1921-yilda asos solingan Lester universiteti Buyuk Britaniyaning eng yaxshi 25 universiteti safidan o‘rin olgan. O‘quv yurtida 28 mingdan ortiq talaba tahsil oladi, ulardan yarmi xorijliklar.
Izoh (0)