Jahon iqtisodiyoti va diplomatiya universiteti rektori A. Jumanov Rossiya poytaxtida Moskva davlat xalqaro munosabatlar instituti (MGIMO) rektori A. Torkunov bilan uchrashdi. Bu haqda UzNews xabar bermoqda.
Rossiya va O‘zbekiston oliy o‘quv yurtlari o‘rtasida hamkorlik to‘g‘risidagi yangi shartnoma imzolandi. Oldingi shartnoma 2002-yilda tuzilgandi.
Kelishuv hamkorlikning yanada keng ko‘lamini nazarda tutadi.
Jumladan, ekspert-tahliliy laboratoriyalar o‘rtasidagi munosabatlarni yo‘lga qo‘yish, yangi o‘quv texnologiyalari va xalqaro o‘quv dasturlari (xususan, masofaviy o‘qitish) joriy etish bo‘yicha tomonlar tajribasidan foydalanish, Rossiya—O‘zbekiston munosabatlari holati va istiqbollari, mintaqaviy va xalqaro siyosatning boshqa dolzab mavzulari tahliliga bag‘ishlangan yillik ilmiy anjumanlar o‘tkazish amaliyotini tatbiq etishni o‘z ichiga oladi.
Izoh (0)