Жаҳон иқтисодиёти ва дипломатия университети Буюк Британиянинг Лестер университети билан ўзаро англашув меморандумини имзолади. Бу ҳақда UzNews хабар бермоқда.
Мазкур келишув Тошкентда Лестер халқаро тадқиқотлар мактаби очилишини кўзда тутади.
Мактабда олий таълим (бакалавриат ва магистратура) соҳасида академик хизматлар кўрсатиш, халқаро муносабатлар мутахассисларини қайта тайёрлаш ва малакасини ошириш, шунингдек, халқаро стандартлар асосида дипломатия, халқаро иқтисодиёт, халқаро бизнес, халқаро молия ва халқаро тижорий ҳуқуқ йўналишларида илмий-амалий фаолият олиб борилиши режалаштирилган.
Маълумот учун, 1921 йилда асос солинган Лестер университети Буюк Британиянинг энг яхши 25 университети сафидан ўрин олган. Ўқув юртида 28 мингдан ортиқ талаба таҳсил олади, улардан ярми хорижликлар.
Изоҳ (0)