Ravon brendi yangilangan Gentra sedanining suratlarini e’lon qildi. Qiyofasini o‘zgartirgan Chevrolet Lacetti o‘zgacha salonga ega bo‘ldi, ammo narxini saqlab qoldi. Birinchi ekzemplyarlar rossiyalik dilerlarga yetkazildi, deb xabar qiladi Motor nashri.
Mashina interyerida uskunalar paneliga o‘zgartirishlar kiritildi. Bundan tashqari, uning audiotizimi zamonaviylashtirildi, “ERA-GLONASS” favqulodda yordam chaqirish tugmasi paydo bo‘ldi.
Oldin bo‘lganiday, sedanning dvigateli 1,5 litrli, 107 ot kuchiga ega, u mexanik yoki avtomat o‘tkazish qutisi bilan uyg‘unlikda ishlashi mumkin. Modelning minimal qiymati 539 000 rublni tashkil qilmoqda (avtomat transmissiya uchun yana 40 ming rubl qo‘shimcha to‘lanadi), top versiya narxi — 669 000 rubl.
Izoh (0)