Chevrolet kompaniyasi avvalgi avlodga tegishli, ammo restayling qilingan Beat avtomobilini taqdim etdi, u Lotin Amerikasi bozorlari uchun mo‘ljallangan. Ba’zi mamlakatlarda ushbu model Spark sifatida ma’lum, deb yozadi “Kolyosa”.
2018-model yiliga tegishli Chevrolet Beat’ning bamperi, radiator panjarasi, faralari va tumanga qarshi chiroqlari boshqacha ko‘rinish oldi. Shuningdek, orqa chiroqlari rasmi o‘zgardi. Salonda esa asboblar panelini va markaziy konsolni almashtirishdi. Top komplektatsiyada 7 dyuymli sensorli ekran bilan ta’minlangan, Apple CarPlay va Android Auto bilan ishlay oladigan multimedia tizimi mavjud.
Meksika bozorida yangilangan Beat 81 ot kuchiga teng 1.2 benzinli motor (besh pog‘onali “mexanika”li) bilan birga taklif qilinadi.
Chevrolet Beat-2018 ning narxi 152 500 peso (8400 dollar)dan boshlanadi.
Izoh (0)