AQShda Chevrolet Corvette Z06 egalari General Motors konsernini sudga berib, uni “to‘la unum bilan ishlatish imkonini bermaydigan nuqsoni bo‘lgan ishonchsiz avtomobillar”ni sotishda aybladi, deb yozadi “Motor”. Kompaniya mijozlari da’vo arizasida ta’kidlashicha, u ishlab chiqargan superkarlar trekda o‘ta tez qizib ketadi.
Janubiy Florida federal sudiga berilgan da’voga ko‘ra, Chevrolet Corvette Z06 superkarlari poyga trassasida 15 daqiqa bosib haydalganidan keyin qizib ketadi va quvvatni cheklaydigan xavfsiz rejimga o‘tadi.
Da’vogarlar qayd etishicha, bu trekda xavfli vaziyatni yuzaga keltiradi, bunda quvvati va tezligini keskin tarzda yo‘qotgan avtomobil tez yurib ketayotgan va uni aylanib o‘tishga majbur bo‘lgan boshqa mashinalar ichida qoladi.
Da’vogarlar manfaatlarini himoya qiluvchi yuridik firma hisob-kitoblariga ko‘ra, bunday nuqson 2015—2017-model yillarida chiqarilgan 30 mingga yaqin “Korvet”larda bo‘lishi mumkin. Da’vogarlar hujjatlarda General Motors mashinalar sotuvga chiqishidan ham oldin xabardor bo‘lgan nuqsonli sovitish tizimini ayblamoqda.
Izoh (0)