O‘zbekiston Prezidenti Shavkat Mirziyoyev 13-iyun kuni sud organlarida adolatni ta’minlash borasidagi ishlarga bag‘ishlangan videoselektor yig‘ilishini o‘tkazdi. Prezident unda, jumladan, sudyalar orasida uchrayotgan jinoyatchilik holatlariga ham to‘xtalib o‘tdi.
Shavkat Mirziyoyevning ma’lum qilishicha, so‘nggi yillarda qariyb 50 nafar sudya jinoiy javobgarlikka tortilgan. Birgina 2017-yilning birinchi yarim yilligida yetti sudya jinoyatga qo‘l urgan.
“Misol uchun, Andijon viloyati xo‘jalik sudining raisi o‘rinbosari Abdullayev fuqaro Nuraliyevdan 150 ming AQSh dollari olayotgan paytda qo‘lga olindi”, — deya ma’lum qildi Shavkat Mirziyoyev.
“Asosiy vazifa va burchi oqni oqqa, qorani qoraga ajratish, adolatni himoya qilishdan iborat bo‘lgan sudya qonunga, o‘z kasbiga xiyonat qilsa, odamlar dodini kimga aytadi? Adolat izlab qayerga boradi?”, — deya qo‘shimcha qildi O‘zbekiston Prezidenti.
Izoh (0)