Joriy yilning 14-iyun kuni Xalqaro press-klubning navbatdagi anjumani bo‘lib o‘tdi. Unda O‘zbekiston Respublikasi Prezidenti tomonidan 2017-yilning 2-mayda qabul qilingan “O‘zbekiston 24” axborot tahliliy teleradiokanali faoliyatini tashkil etish to‘g‘risida”gi Qarorining ijrosi doirasida amalga oshirilayotgan ishlar muhokama qilindi.
Sessiyada O‘zbekiston milliy teleradiokompaniyasi raisining birinchi o‘rinbosari Bobir Alixonov, “O‘zbekiston24” teleradiokanali rahbariyati — direktor Ozod Hamidxo‘jayev, direktorning birinchi o‘rinbosari Rahim Mahkamov, direktor o‘rinbosari Sohibjon Alijonov qatnashib, qarorda belgilangan vazifalar va ularning ijrosiga oid tadbirlar yuzasidan ma’lumotlar berishdi.
Yangi teleradiokanal 251 nafar shtat birligiga ega bo‘lib, “O‘zbekiston 24” SD va HD formatlarida raqamli efir ijtimoiy paketiga kiritiladi. Uning HD formatidagi translyatsiyasi mamlakatda ushbu formatga to‘liq o‘tilguniga qadar parallel ravishda UzHD kanalida ham amalga oshiriladi.
Shuningdek, teleradiokanalning 9 ta xorijiy davlatda muxbirlari ish yuritishi ma’lum qilindi.
O‘zbekiston tarixida birinchi marta 24 soat davomida axborot uzatadigan yangi formatdagi “O‘zbekiston 24” teleradiokanalining ishga tushishi sanasi hozircha aniq emas ekanligi, avvaliga “O‘zbekiston 24” radiokanali ishga tushishi, sekin-astalik bilan telekanal ham ishga tusha borishi ta’kidlandi.
Izoh (0)