Rustam Aminov O‘zbekiston xususiylashtirilgan korxonalarga ko‘maklashish va raqobatni rivojlantirish davlat qo‘mitasi raisining birinchi o‘rinbosari etib tayinlandi. Davlat qo‘mitasi matbuot xizmati axborotiga ko‘ra, O‘zbekiston Prezidenti bu haqdagi tegishli qarorni 12-iyun kuni imzolagan.
Rustam Aminov (1978-yilda tug‘ilgan) bungacha — 2014-yildan beri Davlat raqobat qo‘mitasi raisi o‘rinbosari lavozimida faoliyat ko‘rsatib kelgan edi. U 2004—2013-yillarda Davlat mulk qo‘mitasi tizimida ishlagan.
UZ24’ning qo‘shimcha qilishicha, Aminov yangi lavozimda Sayfitdin G‘afforov o‘rnini egallagan.
Ma’lumot uchun, Rustam Aminov oliy iqtisodiy ma’lumotga ega — u Toshkent davlat iqtisodiyot universitetini xalqaro iqtisodiy munosabatlar mutaxassisligi bo‘yicha tamomlagan.
Izoh (0)