Futbol bo‘yicha O‘zbekiston milliy terma jamoasi JCh—2018 saralash bahslari doirasida Eronga qarshi ikki uchrashuv o‘tkazdi. 2016-yil 6-oktabr kuni Toshkentda bo‘lgan birinchi o‘yinda Eron termasi 1:0 hisobida g‘alaba qozongan; 2017-yilning 12-iyunida Tehronda o‘tkazilgan ikkinchi o‘yinda esa eronliklar 2:0 hisobida zafar quchib, Rossiyada bo‘ladigan mundial yo‘llanmasini amalda qo‘lga kiritib bo‘ldi.
Mazkur ikki o‘yin — 180 daqiqa davomida O‘zbekiston milliy terma jamoasi futbolchilari raqib darvozasi tomon biror marta aniq zarba bermadi. Terma jamoa bosh murabbiyi Samvel Babayanning fikricha, jamoaning hozirgi tarkibi — mamlakat tarixidagi eng kuchlisidir. Shunchaki ma’lumot uchun — JCh—2014 saralashida O‘zbekiston milliy terma jamoasi Eronni Tehronda 1:0 hisobida mag‘lub etgan edi.
Izoh (0)