Forbes jurnali so‘nggi bir yil davomida eng ko‘p pul topgan sportchilar reytingini e’lon qildi. Uni Madridning “Real” klubi hujumchisi Krishtianu Ronaldu boshqarib turibdi.
Portugaliyalik futbolchi bir yil davomida jami 93 million dollar ishlay oldi. Shuning 58 millioni oylik-maosh va bonuslardan kelgan bo‘lsa, qolgan 35 million dollar reklama daromadlari hisoblanadi.
Qiziq tomoni, eng serdaromad sportchilar reytingining dastlabki yuztaligidan bor-yo‘g‘i 8 nafar futbolchi joy oldi. Messi yillik 80 million dollar bilan uchinchi bo‘ldi. Neymar, Garet Beyl, Zlatan Ibrahimovich, Ueyn Runi, Serxio Aguero, Hames Rodriges kabi futbolchilar yuztalikdan joy oldi.
Basketbol yulduzi LeBron Jeyms Krishtianu Ronaldudan keyin ikkinchi bo‘lib turibdi. Amerikalik sportchining yillik daromadi umumiy 86,2 million dollarni tashkil qildi.
TOP-10
Krishtianu Ronaldu — “Real” (93 million dollar)LeBron Jeyms — “Klivlend”, NBA (86,2)Lionel Messi — “Barselona” (80)Rojer Federer — tennis (64)Kevin Dyurent — “Golden Steyt”, NBA (60,6)Endryu Lak — “Indianapolis”, NFL va Rori Makilroy —golf (60)Stefen Kerri — “Golden Steyt”, NBA (47,3)Jeyms Xarden — “Xyuston”, NBA (46,6)Lyuis Xemilton — “Mersedes”, formula-1 (46)
Mos ravishda Neymar 38, Garet Beyl 34, Zlatan Ibrahimovich 32, Ueyn Runi 23,6, Serxio Aguero 22,6 va Hames Rodriges 21,9 million yillik daromadga ega ekani ko‘rsatilgan.
Izoh (0)