Tailandda o‘tkazilayotgan boks bo‘yicha Osiyo chempionatida erkaklar o‘rtasidagi final bahslari bugun, 11-dekabr kuni bo‘lib o‘tdi. Kun davomida 10 nafar o‘zbek bokschilari ringga ko‘tarildi. Ulardan Shahzod Muzaffarov va Jasurbek Yo‘ldoshevlar finalda mag‘lub bo‘lib kumush medalga ega chiqdi. Qolgan 8 nafar bokschi final bahslarini ham g‘alaba bilan yakunladi.
Musobaqa yakunlariga ko‘ra umumjamoa hisobida 8 ta oltin, 2 ta kumush va 1 ta bronza jamg‘argan O‘zbekiston termasi qit’ada tengsiz bo‘ldi. Qiziqarlisi, jamoa bunday natijaga ikkinchi tarkib bilan erishdi. Medallar jamg‘arish bo‘yicha erkaklar o‘rtasidagi bahslarda ikkinchi o‘rin qo‘shni Qozog‘istonga nasib qildi.
Osiyo chempionatida oltin medalni qo‘lga kiritgan bokschilar:
-48 kg: Shodiyorjon Meliqo‘ziyev
-51 kg: Asilbek Jalilov
-57 kg: Mirazizbek Mirzahalilov
-63,5 kg: Adhamjon Muhiddinov
-67 kg: Mujibillo Tursunov
-71 kg: Havasbek Asadullayev
-75 kg: Javohir Ummataliyev
-80 kg: To‘rabek Habibullayev
Kumush medal egalari:
-54 kg: Shahzod Muzafarov
-86 kg: Jasurbek Yo‘ldoshev
Bronza medal sohibi:
+92 kg: Jahongir Zokirov
Kecha, 10-dekabr kuni ayollar o‘rtasida final bahslari bo‘lib o‘tdi. Musobaqa yakunlariga ko‘ra O‘zbekiston ayollar terma jamoasi 3 ta oltin, 4 ta kumush va 2 ta bronza medallarini qo‘lga kiritdi. Bu natija bilan qizlar umumjamoa hisobida Qozog‘istondan keyin ikkinchi o‘rinni egalladi.
Osiyo chempionatida oltin medalni qo‘lga kiritgan bokschilar:
-48 kg: Farzona Fozilova
-52 kg: Feruza Kazakova
-66 kg: Navbahor Hamidova
Kumush medal egalari:
-54 kg: Aziza Yakubova
-57 kg: Nigina O‘ktamova
-75 kg: Aziza Zokirova
+81 kg: Oltinoy Sotimboyeva
Bronza medal sohiblari:
-50 kg: Sabina Boboqulova
-81 kg: Sohiba Ro‘zmetova
Izoh (0)