Toshkent shahar IIBB xodimlari tomonidan o‘tkazilgan tungi tadbir davomida Chilonzor tumanida joylashgan Playstation PS3 kompyuter xizmati shoxobchasi tungi soat 00:30da faoliyat yuritayotganligi aniqlandi. Bu haqda IIBB matbuot xizmati ma’lum qildi.
Ichki ishlar organlari xodimlari tomonidan mazkur shoxobcha rahbari Toshkent shahar hokimi qaroriga asosan shahar hududidagi internet klub va kompyuter xizmati shoxobchalarining faoliyati tungi soat 21:00 ga qadar belgilanganligi haqida bir necha marotaba ogohlantirilgan.
Mazkur qaror talablari bajarilmaganligi sababli shoxobcha rahbari O‘zbekiston Respublikasi MJtKning 194-moddasi (ichki ishlar xodimining qonuniy talablarini bajarmaslik) bilan ma’muriy javobgarlikka tortildi.
Izoh (0)