O‘zbekiston Prezidenti Shavkat Mirziyov 8−9-iyun kunlari Qozog‘iston poytaxti Ostonada bo‘lib o‘tadigan Shanxay hamkorlik tashkiloti davlat rahbarlari kengashining yig‘ilishida ishtirok etadi. Bu haqda “Gazeta.uz” xabar bermoqda.
ShHT davlatlari rahbarlari tashkilot rivojining bugungi holati va istiqbollarini muhokama qiladi, shuningdek, mintaqaviy va xalqaro siyosatning dolzarb muammolarini ko‘rib chiqadi. Shuningdek, 2017–2018-yillarda ShHTda raislik qiluvchi davlat kim bo‘lishi masalasini ko‘rib chiqadi.
Ostonada ShHT Toshkent sammiti qarorlari realizatsiyasi doirasida Hindiston va Pokistonni a’zo davlatlar sifatida qabul qilish jarayoni tugatiladi.
Bundan tashqari, Shavkat Mirziyoyev Expo-2017 xalqaro ko‘rgazmasi ochilish marosimida qatnashib, chet el delegatsiyalari rahbarlari bilan uchrashuvlar o‘tkazadi.
Izoh (0)