O‘zbekiston Prezidenti farmoni bilan mamlakat fuqarolari biometrik pasportlari, fuqaroligi yo‘q shaxslarning esa biometrik hujjatlari hisobini yuritish va yo‘q qilish tartibi belgilandi. Bu haqda Norma ma’lum qildi.
Hujjatga ko‘ra, tayyorlanishi davomida yaroqsiz holga kelgan, ichki ishlar idoralari migratsiya va fuqarolikni rasmiylashtirish bo‘linmalaridan qaytarilgan biometrik pasport va hujjatlar hisobini yuritish hamda yo‘q qilish Vazirlar Mahkamasi huzuridagi Davlat personallashtirish markazida amalga oshiriladi.
Muddati o‘tgan va haqiqiy emas deb topilgan biometrik pasport va hujjatlar hisobini yuritish hamda yo‘q qilish migratsiya va fuqarolikni rasmiylashtirish bo‘linmalari hamda TIV konsullik boshqarmasida bajariladi.
Izoh (0)