Tailandda yovvoyi fillar chekka yo‘llarda meva olib ketayotgan yuk mashinalarini to‘xtatib, talon-toroj qilishi bilan bog‘liq hodisalar kuzatildi. Bu haqda “RIA Novosti” xabar bermoqda.
Jumladan, Prachuab Kirikxan provinsiyasida, Xua Xin kurort shahri yaqinida fillar ananas olib ketayotgan uch tonnalik yuk mashinasini to‘xtatdi. Yuk mashinasi haydovchisining hikoya qilishicha, erkak fil yo‘lni to‘sib olgan, shundan so‘ng changalzor ichidan bir necha jonivor chiqib, xartumlari mevalarni tashib keta boshlagan. Haydovchi mashinani yoqishga uringanida katta erkak fil yana yo‘lni to‘sib olavergan.
Bu kabi hodisalar haqidagi xabarlar deyarli barcha provinsiyalardan kelmoqda.
Hozirda Tailandda meva terish mavsumi davom etmoqda. Bundan foydalangan fillar chekka yo‘llardan ko‘p miqdorda qatnaydigan yuk mashinalariga hujum qilib, hosilni olib ketmoqda.
Izoh (0)