Samarqand shahri chorrahalarida quyosh batareyalari o‘rnatila boshlandi. Ular nima uchun mo‘ljallangan va nega aynan chorrahalarda o‘rnatilmoqda? Bu savollarga Samarqand IIB yo‘l harakati xavfsizligi boshqarmasi boshlig‘i R. Toshmurodov oydinlik kiritdi.
— Barchaga ma’lumki, joriy yil 15-martidan boshlab Toshkent shahrining 115 ko‘chasida yo‘l harakati qoidalari buzilishini foto va videoqayd etish tizimi ishga tushirildi. Yaqin orada Samarqandda ham shunday tizim faoliyat ko‘rsatishni boshlaydi. Kuzatuv kameralari va sfetoforlar bir mexanizmga qo‘shiladi. Mazkur mexanizm uzluksiz ishlashini ta’minlash uchun hozirda shahar chorrahalarida quyosh batareyalari o‘rnatilmoqda.
Yangi tizimga ulangan sfetoforlar faoliyati optimallashtirilishi natijasida yo‘ldan o‘tish jarayoni ham tezlashadi. Bu transport vositalarining svetoforda to‘xtash vaqtini 20-25, gaz tashlanmalarini 5-15, yoqilg‘i sarfini 5-15 foizga qisqartirish imkonini beradi va shaharning ekologik muhitiga ijobiy ta’sir ko‘rsatadi.
Izoh (0)