Самарқанд шаҳри чорраҳаларида қуёш батареялари ўрнатила бошланди. Улар нима учун мўлжалланган ва нега айнан чорраҳаларда ўрнатилмоқда? Бу саволларга Самарқанд ИИБ йўл ҳаракати хавфсизлиги бошқармаси бошлиғи Р. Тошмуродов ойдинлик киритди.
— Барчага маълумки, жорий йил 15 мартидан бошлаб Тошкент шаҳрининг 115 кўчасида йўл ҳаракати қоидалари бузилишини фото ва видеоқайд этиш тизими ишга туширилди. Яқин орада Самарқандда ҳам шундай тизим фаолият кўрсатишни бошлайди. Кузатув камералари ва сфетофорлар бир механизмга қўшилади. Мазкур механизм узлуксиз ишлашини таъминлаш учун ҳозирда шаҳар чорраҳаларида қуёш батареялари ўрнатилмоқда.
Янги тизимга уланган сфетофорлар фаолияти оптималлаштирилиши натижасида йўлдан ўтиш жараёни ҳам тезлашади. Бу транспорт воситаларининг светофорда тўхташ вақтини 20-25, газ ташланмаларини 5-15, ёқилғи сарфини 5-15 фоизга қисқартириш имконини беради ва шаҳарнинг экологик муҳитига ижобий таъсир кўрсатади.
Изоҳ (0)