Toshkentning “Obod” futbol klubi Oliy liganing ikkinchi davrasida ishtirok etmasligi mumkin, deb yozdi “Championat.asia” nashri. Xabarda klubning mamlakat elitasidagi ilk xususiy klub ekani qistirib o‘tilgan.
Bu boradagi gap chamasi bir oylar ilgari chiqqandi. Aniqrog‘i, “Obod” Oliy liganing 8-turida “Lokomotiv”dan 0:7 hisobida yengilgach, rahbariyat futbolchilarga tang ahvol haqida ma’lumot bergan.
2016-yilgi mavsumni debyutant sifatida boshlagan “Obod” PFLga badal pulini birinchi bo‘lib o‘tkazib bergan, 2017-yilning 11 ta turi ortda qolganida esa jamoaning PFL oldida qarzdorligi mavjud. “Obod” homiylari mavjud vaziyatdan kelib chiqib, ikkinchi davrada jamoani moliyalashtirishdan to‘xtashi katta ehtimol.
“Obod” futbol klubining 2016-yilgi xarajatlari 2—3 milliard so‘m atrofida bo‘lgan. Futbolchilar har bir g‘alaba uchun 1 million so‘m miqdorida mukofot puli olib kelgan.
Ma’lumot uchun, 16 ta jamoa chempionlik uchun kurash olib boradigan chempionatda “Obod” 2 ta g‘alaba, 3 ta durang va 6 ta mag‘lubiyat bilan 15-o‘rinni egallab turibdi. Jamoa 2016-yilgi mavsum Oliy ligadagi debyut mavsumini o‘tkazgandi.
Izoh (0)