Vazirlar Mahkamasining qarori (pdf) bilan Fanlar akademiyasining yangidan tashkil etilgan ilmiy-tadqiqot muassasalari faoliyatini tashkil etish chora-tadbirlari, shuningdek, ilmiy xodimlarni moddiy rag‘batlantirish jamg‘armasi to‘g‘risidagi nizom tasdiqlandi, deb yozadi Norma.
Hujjatda FAning yangi yangi tashkilotlari asosiy vazifalari va faoliyati yo‘nalishlari belgilandi, shuningdek, ularning tuzilmalari tasdiqlandi. Bundan tashqari, Oliy va o‘rta maxsus ta’lim vazirligi hamda Favqulodda vaziyatlar vazirligi binolar va inshootlarni operativ boshqarish huquqi bilan belgilangan tartibda FAga beradi.
Quyidagilar Fanlar akademiyasining ilmiy-tadqiqot muassasalari ilmiy xodimlarini moddiy rag‘batlantirish jamg‘armasi mablag‘larini shakllantirish manbalari hisoblanadi:
- FA ilmiy-tadqiqot muassasalarining xo‘jalik va tadbirkorlik faoliyatidan tushgan sof foydaning 10 foizi miqdoridagi ajratmalar;
- yuridik va jismoniy shaxslarning homiylik xayriyalari, xalqaro tashkilotlarning grantlari;
- qonun hujjatlarida taqiqlanmagan boshqa manbalar.
- ilmiy tadqiqotlar sohasida yuqori darajadagi yangi natijalarga erishgan;
- FAning ilmiy-tadqiqot muassasalarida bajarilgan ilmiy tadqiqotlar natijalari bo‘yicha fan doktori (DSc) va falsafa doktori (PhD) ilmiy darajalarini olishga dissertatsiyalarni muvaffaqiyatli himoya qilgan;
- yangi amaliy muhim natijalarga erishgan;
- iqtisodiyot tarmoqlariga va ishlab chiqarishga ilmiy tadqiqotlarning yangi amaliy muhim natijalarini joriy etgan;
- olib borilgan ilmiy tadqiqotlar natijalari bo‘yicha rasmiylashtirilgan, litsenziyalash va amaliy qo‘llash uchun istiqbolli bo‘lgan O‘zbekiston Respublikasipatentlari va xalqaro patentlarni olgan ilmiy xodimlar.
Shaxsiy ustamaning aniq miqdori FA Prezidiumining qarori bilan uch oygacha bo‘lgan muddatga belgilanadi.
Izoh (0)