O‘zbekistonda xalqaro to‘lov tizimlari bilan integratsiyalanadigan GlobUzCard banklararo universal chakana to‘lov tizimi yaratilmoqda, deb yozadi “Gazeta.uz”. Markaziy bank Boshqaruvining 2017-yil 8-apreldagi qarori 15-may kuni Adliya vazirligi tomonidan tasdiqlandi.
“Yagona xalqaro protsessing markazi” (YaXPM) qo‘shma korxonasini yaratish rejalashtirilmoqda, u GlobUz protsessing markazi funksiyasini bajaradi. YaXPM boshqaruv organi muvofiqlashtiruvchi kengash bo‘ladi, uning tarkibiga GlobUz’ga a’zo banklar, YaXPM va O‘zbekiston Banklar uyushmasi rahbarlari kiradi. Kengash raisi va uning o‘rinbosari kengash a’zolari orasidan ikki yil muddatga saylanadi.
Yangi to‘lov tizimi Visa, MasterCard, Union Pay International, JCB, American Express, Diners Club va boshqa xalqaro to‘lov tizimlari bilan aloqalar o‘rnatib, chet elda GlobUz bank kartalaridan va O‘zbekiston hududida xorijiy banklar kartalaridan chet el valyutasida operatsiyalar o‘tkazishni ta’minlaydi.
Izoh (0)