Ko‘pchilik san’atkorlar faqat kino va musiqa sohasida faol ijodkorlar sifatida taniladi, ammo ular orasida boshqa sohalarda o‘z qobiliyatini namoyon qilganlar talaygina.
Bruklin Bekhem
Mashhur futbolchi Devid Bekhemning o‘g‘li futboldan ko‘ra ko‘proq oshpazlikka qiziqadi. U har kuni rafiqasi Nikolaga ovqat tayyorlashga odatlangan. Bruklinning aytishicha, xotini unga internetdan turli taom videolarini yuboradi, Bruklin esa ularni uy sharoitida tayyorlab ko‘radi.
Kolin Farrell
Aktor Kolin Farrell kinodagi faoliyatidan tashqari bir vaqtlar raqqoslik bilan ham shug‘ullangan. U Irlandiyada sakkiz kishilik guruh bilan mehmonxonalarda kantri raqsini ijro etgan. Bu mashg‘ulot taxminan bir yil davom etgan. Endilikda aktyor raqs sohasiga qaytishni xohlamaydi.
Ostin Batler
Aktor Ostin Batler nafaqat aktyor va ajoyib gitarachi, balki kulolchilik san’ati bilan ham yaqindan tanishdir. Uning hamkasbi Jodi Komer uning bu hobbisi haqida so‘zlab, Ostin tayyorlagan kulolchilik buyumlarini yaqinlariga sovg‘a qilib turishini aytgan. Batler esa bu haqida kamtarona gapirib, san’at asarlarini ko‘rsatishdan iymangan.
Tom Kruz
Hayotini xavf ostiga qo‘yishdan qo‘rqmaydigan mahoratli aktyor Tom Kruz pianino chalishni ham yoqtiradi, ammo bu qobiliyatini oddiygina “klavishlarni bosish” deb ataydi. Shunga qaramay, muxlislari uning har sohada mahoratli ekanini yaxshi bilishadi. Ehtimol, kelajakda uni sahnada pianino chalayotganini ham ko‘rarmiz.
Beyonse
Beyonse oshpazlik borasida biroz no‘noq, ammo ichimliklar tayyorlashga katta qiziqish bildiradi. Onasi Tina Noulzning aytishicha, qizi turli sharbatlar bilan tajriba qilishni yoqtiradi va ko‘pincha ularga xalapenyo (achchiq qalampir) qo‘shadi. Natijada noodatiy va esda qolarli ichimliklar yaratiladi.
Kris Evans
Kris Evans o‘zining turli qobiliyatlari bilan muxlislarini ko‘p bora hayratga solgan. U hatto fokuslar ham ko‘rsata oladi. Uning tatuirovka ustasi aytishicha, Kris murakkab karta fokuslarini juda osonlik bilan bajaradi.
Izoh (0)