G‘azo sektoridagi harbiy harakatlar ikki haftadan keyin to‘xtashi mumkin. Bu haqda Israel Hayom nashri xabar berdi.
Ma’lum qilinishicha, AQSHning yaqinda Eronga bergan zarbalaridan so‘ng prezident Donald Tramp Isroil bosh vaziri Binyamin Netanyaxu bilan shoshilinch muzokaralar o‘tkazgan. Mazkur muzokaralarda G‘azo sektoridagi urushni tugatishga qaror qilingani aytilmoqda. Nashr xabar bergan G‘azodagi tinchlik rejasi quyidagicha:
- Harbiy harakatlar ikki hafta ichida to‘xtatilishi kerak. G‘azo ustidan nazorat to‘rtta arab davlati, jumladan, BAA va Misrga o‘tadi.
- HAMAS rahbariyati mintaqadan quvib chiqariladi va barcha asirlar ozod qilinadi.
- Bir qator davlatlar anklav hududini tark etishni istagan G‘azo aholisini qabul qilishga tayyorligini bildirgan.
- “Ibrohim kelishuvlari” kengaytiriladi — ularga Suriya va Saudiya Arabistoni qo‘shilishni rejalashtirmoqda, bu esa Yaqin Sharqdagi siyosiy vaziyatni sezilarli darajada o‘zgartiradi.
- Isroil falastinliklar bilan munosabatlarni tartibga solishga tayyor, biroq Falastin muxtoriyatida islohotlar o‘tkazishni talab qilmoqda.
- AQSH Isroilning G‘arbiy Sohildagi ba’zi aholi punktlari ustidan qisman suverenitetini tan olishga tayyor.
Hozircha AQSH ham, Isroil ham yuqoridagi tinchlik rejasi bo‘yicha ma’lumotni rasman tasdiqlamagan. Ammo shuni ta’kidlash kerakki, mazkur xabarni taqdim etgan nashr an’anaviy ravishda Netanyaxuga yaqin manba hisoblanadi.
Izoh (0)