Madridning “Real” klubi bosh murabbiyi Xabi Alonso jamoaning himoyaviy o‘yini borasida aniq pozitsiyasini bildirdi. Jurnalist Fabritsio Romanoning xabariga ko‘ra, u Karlo Anchelotti davrida yuzaga kelgan himoyadagi muammolarni bartaraf etishni maqsad qilgan.
Ispaniyalik mutaxassis “qaymoqranglilar” tarkibidagi barcha futbolchilardan, jumladan hujum chizig‘idagi yulduz futbolchilaridan ham pressing va orqaga qaytishni talab qilmoqda:
— Menimcha, himoyada butun jamoa harakat qilishi kerak. 11 nafar futbolchi ham pressingda qatnashishi shart. Vinisius, Bellingem, Valverde, Mbappe — ularning barchasi bu jarayonda ishtirok etishi zarur, — dedi murabbiy.
Eslatib o‘tamiz, “Real Madrid” 27-iyun, juma kuni Klublar o‘rtasidagi Jahon chempionati guruh bosqichining so‘nggi turida “Zalsburg”ga qarshi maydonga tushib, 3:0 hisobida g‘alaba qozondi.
Madridliklar chorak finalda “Yuventus” bilan bahs olib boradi. Uchrashuv 1-iyuldan 2-iyulga o‘tar kechasi, Mayami shahridagi “Hard Rock” stadionida bo‘lib o‘tadi. O‘yin O‘zbekiston vaqti bilan soat 00:00 da boshlanadi.
Izoh (0)