2017-yilning 27-may kuni “O‘zekspomarkaz” konferens-zalida “Marketingdagi kommunikatsiyalar” mavzusiga bag‘ishlangan “4P” konferensiyasi bo‘lib o‘tadi. Konferensiya kommunikatsiyalar keng mavzusini ochib beradi hamda marketologlar va turli sohalar mutaxassislari uchun sifatli kommunikatsiyalar rolini va ahamiyatini qayd etadi.
Tadbir Milliy marketing markazi ko‘magida Oqlivy PR xalqaro agentliklar tarmog‘ining Toshkentdagi “Tayniy Sovetnik — OgilvyPR” ofisi tomonidan o‘tkazilmoqda.
Konferensiyaning asosiy maqsadlari marketing sohasidagi mutaxassislarning professional darajasini oshirish imkonini beruvchi tadbirlar va faoliyatlarni tashkil qilish, marketing sohasidagi jahon tendensiyalari haqida bilimlar olinishini ta’minlash, zamonaviy bozor talablariga javob beruvchi kuchli mutaxassislar o‘sishini ta’minlovchi professional maydonlarni yaratishdan iborat.
Konferensiya spikerlari jahon trendlari, yangi yechimlar va istiqbollar haqida gapiradi. Tadbirga o‘z sohasidagi yetakchi kompaniyalar rahbarlari, marketing departamentlarining rahbar va mutaxassislari taklif etilgan. Maxsus mehmon sifatida Axborot texnologiyalari va kommunikatsiyalarini rivojlantirish vaziri vazifasini bajaruvchi Shermatov Sh. X. ishtirok etadi.
Izoh (0)