AQSh prezidenti Donald Trampning Isroildagi tashrifi davomida xavfsizlikni ta’minlash maqsadida u to‘xtagan mehmonxonani robotlar qo‘riqlaydi. Bu haqda NBC xabar bermoqda, deb yozadi “Gazeta.ru”.
King David mehmonxonasi boshqaruvchisining so‘zlariga qaraganda, zaharli gaz yordamida hujum qilingan taqdirda zaxira ventilyatsiya tizimi mavjud bo‘lgan hamda qo‘l granatomyotidan uloqtirilgan snaryadga bardosh bera oladigan xonaning narxi bir kecha uchun 5,7 ming dollarni tashkil etadi.
Bino ustida kuzatuv kamerali havo sharlari, minalashtirilgan avtomobillarni qo‘llash orqali terakt amalga oshirish ehtimoli oldini olish uchun mehmonxona yo‘liga avtobuslar joylashtiriladi. Ko‘chalardagi kanalizatsiyalarda esa portlovchi qurilmalarni aniqlash uchun robotlar paydo bo‘ladi.
Izoh (0)