Dunyodagi o‘lim holatlarining uchdan bir qismi sababi aniqlandi

Shifokorlar xalqaro guruhi dunyodagi o‘limlarning taxminan uchdan bir qismi yurak-tomir kasalliklari tufayli yuz berishini aniqladi, deb yozadi Amerika kardiologiya kolleji.

Yurak-tomir kasalliklaridan eng ko‘p o‘lim qayd etilgan mamlakatlar qatoriga Sharqiy Yevropa, Markaziy Osiyo, Yaqin Sharq, Janubiy Amerika, Qora Afrika va Okeaniya davlatlari kiradi. Yaponiya, Andorra, Peru, Fransiya, Isroil va Ispaniyada ushbu ko‘rsatkich eng pastdir.

Tadqiqotchilar aniqlashicha, so‘nggi besh yil ichida AQSh, Kanada, Avstraliya, Yangi Zelandiya, Yaponiya, Janubiy Koreya va Sharqiy Yevropa mamlakatlarida yurak-tomir kasalliklaridan vafot etish holatlari kamayishi sekinlashgan.

Mutaxassislar olimlar va siyosatchilarni yurak-tomir kasalliklariga qarshi kurashishga chaqirmoqda, ular yuzaga kelishi xavfining asosiy omillari yuqori qon bosimi, yomon ovqatlanish, xolesterinning yuqori darajasi, tamaki chekish, alkogol qabul qilish va semizlik hisoblanadi.