United Airlines yo‘lovchisi reysdan tushirib yuborilishi bo‘yicha mojaro sabab aviakompaniya rahbari Oskar Munyosning lavozimi ko‘tarilmaydi va u 2018-yilda direktorlar kengashini boshqarmaydi, deb xabar berdi “Kommersant”.
Reuters’ning aviakompaniyaga egalik qiluvchi United Continental xoldingi ma’lumotiga tayanib xabar qilishicha, Munyos uchun 2017-yil egallab turgan vazifasining so‘nggi yili bo‘ladi. Uning mehnat shartnomasiga tegishli o‘zgartirishlar kiritilgan.
Shuningdek, kompaniya Oskar Munyosning 2017-yil yakuni bo‘yicha bonuslarini ham ko‘rib chiqadi. U 2016-yilda 18,72 million dollar ishlab topgan edi.
“United Airlines boshqaruvi hamda direktorlar kengashi yaqinda bo‘lib o‘tgan mojaroni jiddiy qabul qildi va maqsadli mukofotlar dasturiga o‘zgartirish kiritish ustida ishlamoqda. Dastur 2017-yilda aviakompaniya xodimlarini rag‘batlantirish mijozlarga xizmat ko‘rsatish yaxshilanishiga aniq va to‘g‘ridan-to‘g‘ri bog‘liq bo‘lishiga yo‘naltirilgan”, — deyiladi United Continental bayonotida.
Eslatib o‘tamiz, 9-aprel kuni Chikagodan Luisvillga uchishi kerak bo‘lgan Amerikaning United Airlines aviakompaniyasi o‘z xodimlariga joy yetmagani sababli yo‘lovchilardan birini kuch ishlatib tushirib yuborgan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)